Skiatorja e njohur amerikane Katherine “Kasha” Rigby besohet se ka vdekur nga një ortek bore në Brezovicë të martën, sipas raportimeve.

Vdekja e një skiatoreje 54-vjeçare në Qendrën e Skijimit në Brezovicë u raportua të martën. Zëdhënësi i Policisë së Rajonit të Ferizajt, Kanun Veseli, tha për mediat se viktima ishte “një shtetase e huaj 54-vjeçare”.

Përderisa në raport nuk përmendet emri i skiatores, miqtë dhe të dashurit e Rigbyt postuan homazhe në llogarinë e saj në Instagram, ku shfaqen disa fotografi nga qendra e skijimit në Brezovicë.

“Ski Magazine” raportoi se burime të afërta me Rigbyn kontaktuan me median për vdekjen e saj.

Në raportin e “Backcountry Magazine” mbi vdekjen e mundshme të Rigbyt, redaktori Adam Howard tha se ajo “mishëron dhembshurinë dhe shpirtin e lirë”.

“E gjithë bota e jashtme dhe e skitarëve është e rrënuar me humbjen e një shpirti kaq të veçantë”, tha Howard.

Sipas “Ski Magazine”, Rigby ishte një skiatore e arrirë e telemarkut, e cila “synonte të ripërcaktonte telemarkimin me stilin e saj të skijimit me shpejtësi të lartë”.

Sipas revistave, skiatorja e lindur në Vermont ishte e para që arriti një zbritje me ski me telemark në Cho You, mali i gjashtë më i lartë në botë që ndodhet në Himalaje.

Vlerësimet e tjera të Rigbyt përfshijnë lëshime të shumta të tjera me ski, duke përfshirë nga majat në Rusi, Ekuador dhe Liban, thanë revistat.

Rigby gjithashtu garoi në sezonin e tretë të konkursit të realitetit televiziv të National Geographic “Ultimate Survival Alaska” në 2015.