Sekretari amerikan i Mbrojtjes, Lloyd Austin, ka anuluar një udhëtim jashtë shtetit në selinë e NATO-s, pasi u shtrua në spital për herë të tretë.

Austin, 70 vjeç, është në një njësi të kujdesit kritik në një spital të zonës së Uashington DC. Pentagoni ka thënë se ai po përballet me një “çështje emergjente të fshikëzës”.

Detyrat e anëtarit të kabinetit i janë transferuar zëvendësit të tij. Austin nuk e bëri të ditur diagnozën e tij të kancerit të prostatës në dhjetor ose kthimin e tij në spital në janar, as publikisht, as për figurat kryesore në zinxhirin komandues të ShBA-së.

Të mërkurën, ai do të drejtonte një takim të Grupit të Kontaktit të Mbrojtjes së Ukrainës (UDCG) në Bruksel, Belgjikë. Do të ishte udhëtimi i tij i parë jashtë shtetit që nga shtrimi i tij fillestar në spital.

Ai gjithashtu do të merrte pjesë në një takim të Ministrit të Mbrojtjes së NATO-s të kryesuar nga shefi i NATO-s Jens Stoltenberg të enjten.

Austin mori pjesë në mbledhjen e fundit të UCDG virtualisht nga shtëpia e tij më 23 janar.

Të dielën pasdite, Pentagoni lëshoi një deklaratë duke thënë se Austin ishte dërguar në Qendrën Mjekësore Ushtarake Kombëtare Ëalter Reed në Maryland për trajtim, duke shtuar se Shtëpia e Bardhë dhe zyrtarë të lartë të mbrojtjes ishin njoftuar, shkruan BBC.