Qëndrim Zyba karrierën do ta vazhdojë te Legia.

Lojtari kosovar ka kompletuar transferimin e tij në formë huazimi te skuadra polake, shkruan GazetaBlic Sport.

Njoftimin e ka bërë Ballkani përmes Facebook ku ka falenderuar lojtarin për kontributin e tij te skuadra suharekase.

Ja njoftimi i plotë:

Të dashur tifozë,

Ju njoftojmë se super mesfushori ynë dhe i Kombëtares së Kosovës, Qëndrim Zyba, e vazhdon karrieren te skuadra prestigjioze e Legias së Varshavës.

Futbollisti huazohet te ekipi polak deri në fund të sezonit, me të drejtë blerje të gjithë kartonit.

Klubi e falenderon Zybën për kontributin e madh që ka dhënë me ne, duke ndihmuar në arritjen e objektivave tona, kurse ne jemi të lumtur që si vatër e ngritjes profesionale të lojtarëve, krijojmë në vazhdimësi mundësi për ta që të arrijnë lartë e më lartë.

Të priftë e mbara Qëndrim

/GazetaBlic Sport/