Alejandro Balde, mbrojtës i majtë i Barcelonës dhe kombëtares spanjolle, iu nënshtrua një operacioni për një dëmtim që pësoi në kofshën e djathtë.

Operacioni ndaj lojtarit 20-vjeçar është kryer në qytetin Turku të Finlandës, nën mbikëqyrjen e shërbimeve mjekësore të Barçës.

Klubi nuk ofroi asnjë ndërprerje, por kjo lloj ndërhyrje zakonisht kërkon rreth 4 muaj kohë për rikuperimin, që do të thotë se futbollisti e ka humbur pjesën e mbetur të sezonit dhe rrezikon seriozisht pjesëmarrjen në “Euro 2024”, në Gjermani.

Balde u dëmtua të mërkurën e kaluar, në çerekfinalen e Kupës së Mbretit, kundër Athletic Bilbaos.

Ekzaminimet mjekësore të kryera zbuluan se mbrojtësi i krahut pësoi një dëmtim në tendinën e kofshës së djathtë, që kërkonte trajtim kirurgjik dhe iu dorëzua një specialisti që ka operuar lojtarë të tjerë të Barcelonës si Ousmane Dembélé, Ronald Araujo dhe Sérgio Roberto.

Këtë sezon, Balde luajti gjithsej 28 ndeshje, shënoi një gol dhe dha një asistim./ss