Trajneri i Manchester Cityt, Pep Guardiola, ka konfirmuar se Erling Haaland është kthyer dhe do të jetë në skuadër për t’u përballur me Burnley të mërkurën në mbrëmje.

Haaland nuk është paraqitur për klubin që nga humbja ndaj Aston Villa në fillim të dhjetorit, por Guardiola konfirmoi në konferencën e tij për shtyp para ndeshjes se sulmuesi norvegjez është kthyer në garë.

“Ai është gati”, tha Guardiola.

“Ne kemi të gjithë skuadrën, jemi më të fortë. Ai është një lojtar i rëndësishëm për ne.”

23-vjeçari ka shënuar 19 gola në 22 paraqitje në të gjitha garat këtë sezon, dhe është ende i barabartë me Mohamed Salah të Liverpool-it në krye të listave të golashënuesve në Premier League, pavarësisht mungesës së tij të gjatë.

/GazetaBlic Sport​