Një javë më parë, Taxhikistani nuk kishte shënuar kurrë një gol të Kupës së Azisë, e lëre më të fitonte një ndeshje.

Megjithatë, këtë të premte, ata do të garojnë për t’u bërë gjysmëfinalist të Kupës së Azisë në atë që po bëhet një debutim mjaft i pabesueshëm në turne.

Taxhikistani janë bërë historia e mirë e Kupës së Azisë të këtij viti.

Fitorja me penallti të së dielës në mbrëmje ndaj Emirateve të Bashkuara Arabe vetëm sa i shtoi emocionet që tifozët kanë përjetuar gjatë gjithë turneut.

Kështu Petar Segrt u bë trajner hit. Jo vetëm për rezultatet e pabesueshme të një vendi futbollistik krejtësisht të parëndësishëm, por edhe për karizmën e madhe që rrezaton, si në ndeshje, ashtu edhe në biseda me mediat.

Të kanë quajtur Ajnshtajn sepse ngjan shumë me shkencëtarin legjendar. Si e trajtoni atë? Ishte pyetja e një gazetari për Segrt.

“Njerëzit tashmë mendojnë se emri im i vërtetë është Ajnshtajn, askush nuk e ka idenë se cili është emri im i vërtetë. Tifozët në stadium thërrasin “Einstein! sepse ata mendojnë se ky është emri im i vërtetë. Një i ri në ekip quhet Albert, ndaj bëjmë shaka se kemi Albert Einstein. I thashë të më blinte syze siç mbante Ajnshtajni, që të dukesha tamam si ai. Dhe ai i gjeti ato për mua”, tha trajneri me shaka.

/GazetaBlic Sport