U raportua si “vetaksident” por gjatë ditëve në vijim, doli se shoferi nuk qe i vetmi në vendin ku ndodhi përplasja me shkëmbinjt.

Për mosdhënie të ndihmës ndaj të ndjerit, policia ka vënë nën pranga edhe personin e katërt.

“Gjatë punëve operative, njësite policore më datën 28 rreth orës 12:05 kanë arritur të ndalin edhe të dyshuarin e katërt, vit i lindjes 1999. Me urdhër të prokurorit të shtetit, ai është ndalur për 48 orë ndërsa vepra që rëndon mbi të është “rrezikimi i trafikut publik me mjete të rrezikshme”, “mosdhënie e ndihmës të personit të lënduar në trafik”, tha Ismet Hashani, Policia e Kosovës- Gjilan.

Dukagjini ka pyetur Prokurorinë Themelore të Gjilanit për masat e ndërmarrura ndaj të dyshuarit të katërt, por nuk ka kthyer përgjigje.

E këta katër persona që janë arrestuar dyshohen që nuk i kishin ofruar ndihmë 28 vjecarit nga Gjilani.

Në rastet ku nuk ofrohet ndihma personit që gjendet në rrezik për jetë dhe më pas i njëjti vdes, Kodi Penal i Kosovës, parasheh dënim me burgim nga një deri në 8 vjet.

“Me sa kemi informacione, raste të tilla nuk janë të shpeshta nga fakti se për bindjen tonë mungon aspekti hetimor i duhur për të vërtetuar prezencën e personave që nuk kanë ofruar ndihmën. Zakonisht kjo lidhet në praktik me aksidentet e komunikacionit sepse kjo dispozitë e inkriminon e përcakton dënimin e lartë nëse mosofruesi i ndihmës është shkaktar i komunikacionit”, tha Florim Shefqeti, avokat.

E ajo çka konsiderohet e nevojshme, sipas Shefqetit është ashpërsimi i ligjit.

“Për nga bindja jonë, për ruajtjen e mirëqenies së qytetarve, konsiderojmë se pothuajse për secilën vepër, dënimet duhet të ashpërsohen sepse ashpërsimi i dënimeve përkon me politikën ndëshimore ndaj prevenimeve të vepërkyrersve dhe qyetarëve të tjerë. Kjo secilin rast kontribon në zbulimin e veprave penale, edhe në rastin konkret”, shtoi ai.

Sipas hetimeve të deritanishme të Prokurorisë, dyshohet se të rinjt ishin duke garuar me makina kur tanimë i ndjeri, u përplas me shkëmbinjt.