Kryeministri i vendit, Albin Kurti, e ka takuar zyrtaren e lartë në Administratën e Joe Biden, shefen e USAID-it, Samantha Power.

Kurti ka thënë se ishte “kënaqësi të takohem” me Power, teksa shtoi se “mezi presim bashkëpunimin tonë të vazhdueshëm”.

Ndërsa, Power tha se USAID po punon me Kosovën për të forcuar stabilitetin rajonal, sigurinë energjetike dhe investimet e sektorit privat.

Takimi mes tyre u zhvillua dje, gjatë pjesëmarrjes së të dyve në Forumin Ekonomik në Davos, ndërsa për këtë ngjarje, ka shkruar sot vet Power.