Napoli-Fiorentina është gjysmëfinalja e parë në Superkupën e Italisë, sfidë e cila luhet në Riyadh, kryeqytetin e Arabisë Saudite.

Trajneri i të kaltërve, Walter Mazzarri e nis ndeshjen me një risi teksa ndryshon modulin duke propozuar një skemë me tre në mbrojtje, ku titullar si gjithnjë është Rrahmani.

Si pasojë e këtij ndryshimi taktik është penalizuar fantazisti Piotr Zielinski, që do ta nisë ndeshjen nga stoli. Ndërkohë, në sulm aktivizohet nga minuta e parë Simeone që do të ketë edhe mbështetjen e Kvaratskhelia dhe Politanos.

Sa i takon kampit vjollcë, trajneri i Fiorentinës, Italiano e rreshton skuadrën me skemën 4-2-3-1, teksa Ikone, Bonaventura dhe Brekalo do të jenë në mbështetje të sulmuesit Beltran.

Napoli: Gollini; Di Lorenzo, Rrahmani, Juan Jesus; Mazzocchi, Cajuste, Lobotka, Mario Rui; Politano, Simeone, Kvaratskhelia

Fiorentina: Terracciano; Kayode, Milenkovic, Martinez-Quarta, Biraghi; Arthur, Duncan; Ikoné, Bonaventura, Brekalo; Beltran