Mehdi Taremi ka arritur një marrëveshje verbale me Interin përpara një transferimi të lirë në verë.

Sulmuesi 31-vjeçar iranian ka hyrë në gjashtë muajt e fundit të kontratës së tij me Porton dhe nuk po kërkon të zgjasë qëndrimin e tij me skuadrën portugeze përtej këtij sezoni, përcjell GazetaBlic Sport.

Siç raportohet nga Calciomercato.com, Interi ka qenë në kontakt të ngushtë me agjentë e Taremit kohët e fundit dhe tani ka rënë dakord verbalisht me kushtet e një marrëveshjeje në verë, me sulmuesin i gatshëm të nënshkruajë një marrëveshje trevjeçare me vlerë rreth 3 milion € neto në sezon.

31-vjeçari do të bëhej lojtari i parë iranian në historinë e Nerazzurrëve. Me Dekretin e Rritjes tashmë një gjë e së kaluarës, klubi nuk do të jetë në gjendje të përfitojë nga lehtësimi i taksave me kontratën e tij.

/GazetaBlic Sport/