Udhëheqësi i Koresë së Veriut, Kim Jong Un, bëri thirrje të hënën për një amendament kushtetues për të ndryshuar statusin e Koresë së Jugut si një shtet në vete dhe paralajmëroi se teksa vendi i tij nuk kërkon luftë, nuk ka ndërmend ta shmangë atë, raportoi media shtetërore KCNA.

Kim tha përfundimisht se bashkimi me Jugun nuk është më i mundur në një fjalim në Asamblenë e Lartë Popullore, parlamentin e Koresë së Veriut, ndërsa akuzoi Seulin se kërkon kolapsin e regjimit.

“Ne nuk duam luftë, por nuk kemi ndërmend ta shmangim atë”, citohet të ketë thënë Kim nga KCNA.

Tre organizata që merren me bashkimin dhe turizmin ndërkorean do të mbyllen, tha media shtetërore.

Masa vjen pasi tensionet janë përkeqësuar në Gadishullin Korean kohët e fundit mes një serie testesh raketore dhe një shtytje nga Pheniani për të thyer politikën e dekadave dhe për të ndryshuar mënyrën se si ajo lidhet me Jugun.

Analistët kanë thënë se Ministria e Jashtme e Koresë së Veriut mund të marrë përsipër marrëdhëniet me Seulin dhe potencialisht të ndihmojë në justifikimin e përdorimit të armëve bërthamore kundër Jugut në një luftë të ardhshme, shkruan Reuters, transmeton Klankosova.tv.