Hugo Lloris e ka mbyllur me futbollin europian. Portieri francez, i cili fitoi Kupën e Botës me “Gjelat” në Rusi 2018, do të vazhdojë karrierën në MLS (SHBA).
37-vjeçari, i cili ishte pranë kalimit te Lazio gjatë merkatos verore, do të jetë pjesë e Los Angeles FC në të ardhmen.
Klub që ka arritur marrëveshjen me Tottenham, aty ku Lloris luan prej verës së vitit 2012, kur u transferua nga Lyon për 13 mln euro.
“Gardiani” ka kontratë deri në fundin e sezonit me Spurs, që e kanë lënë të lirë edhe prej faktit që trajneri Postecoglu nuk e ka në plane.
444 ndeshje zhvilloi në total Lloris me skuadrën londineze gjatë këtyre viteve, teksa numëron 145 takime me kombëtaren franceze.