Periudha e dytë e Alexis Sanchez në Inter mund të jetë jetëshkurtër, pasi ka raportime që Marcelo Gallardo e dëshiron sulmuesin në Al-Ittihad në janar.

Kiliani kishte qenë tashmë në klub nga viti 2019 në 2022 para se të largohej si agjent i lirë për Olimpique Marseille, transmeton GazetaBlic Sport.

Ai u kthye një vit më vonë, përsëri jashtë kontratës, dhe këtë sezon ka kontribuar me dy gola në 12 paraqitje mes Serie A dhe Champions League.

Megjithatë, tashmë ka raportime që 35-vjeçari është gati të vazhdojë sërish për një përvojë fitimprurëse në Ligën Pro të Arabisë Saudite.

Gallardo sapo mori detyrën në Al-Ittihad muajin e kaluar dhe thuhet se është i interesuar të shtojë veteranin e Kilit në skuadrën e tij.

Interi është lidhur tashmë me një sulmues në afatin kalimtar të janarit, pasi Marko Arnautovic dhe Alexis Sanchez nuk po ofrojnë mjaftueshëm si rezervë për Lautaro Martinez dhe Marcus Thuram.

Objektivat e mundshëm nuk duhet të përfshijnë Medhi Taremin, i cili është duke u rreshtuar si lojtar i lirë në verë pasi t’i skadojë kontrata me FC Porto.

/GazetaBlic Sport.