Florentino Perez dhe Joan Laporta nuk dorëzohen në lidhje me krijimin e Superligës Europiane të Futbollit, projekt i kundërshtuar me forcë nga UEFA.

Presidentët e Realit të Madridit dhe Barcelonës, kanë nisur të kontaktojnë rreth 60 klube të ndryshme me misionin për t’i bindur që të marrin pjesë në krijimin e një Lige të hapur, e cila do të prodhonte rreth 1 miliard euro fitime për dy “gjigantët” spanjollë.

Me tërheqjen përfundimtar të Juventusit, Reali dhe Barça kanë mbetur dy klubet e vetme që ende ëndërrojnë krijimin e Superligës.

Projekt që ka nisur me dakordësinë e 12 klubeve të mëdha evropiane, por presioni i UEFA-s i ka detyruar të tërhiqeshin me radhë. Dhe tani kanë mbetur vetëm dy klubet spanjolle.