Presidentja e vendit, Vjosa Osmani , ka deklaruar se Kosova duhet të ulet me Shtetet e Bashkuara të Amerikës që të pargatit Draftin e Asociacionit.
Osmani ka thënë se Drafti i propozuar është në përputhje me vendimin e Gjykatës Kushtetuese dhe letrën e Mogerinit.
Në lidhje me deklaratën e presidentes Osmani ka folur për “Gazeta Blic”, deputeti i Partisë Demokratike të Kosovës, Bekim Haxhiu.
Haxhiu tha se një deklaratë të tillë të presidentes po e sheh si përpjekje me marr primatin në udhëheqjen e dialogut.
“Po e shoh si përpjekje të Vjosa Osmanit per me marr primatin ne udheheqje te dialogut. Për t’u shfajësuar nga përgjegjesia e dështimit të Albin Kurtit në dialog dhe nga sanksionet që i jane vendosur Kosoves.” tha Haxhiu për “Gazeta Blic”.
Presidentja e vendit, Vjosa Osmani, deklaroi pas ngjarjeve në veri të vendit se zgjidhja më e mirë do të ishte të ulen me SHBA-të dhe prezantojnë draftin.
“Fillimisht! Unë mendoj që kështu është zgjidhja. Të ulemi me partnerët tanë në ShBA. Ta prezantojmë para Sekretarit të Shtetit, draftin tonë, i cili është në përputhje me Kushtetutën e Kosovës, në përputhje me vendimin e Gjykatës Kushtetuese, në përputhje me letrën e Mogherinit që garanton që Asociacioni nuk do të ketë kompetenca ekzekutive dhe në përputhje me qëndrimin e shkruar amerikan në editorialinn nga z. Chollet dhe z. Escobar, të cilët ndër të tjera sqarojnë se një trup e tillë do të jetë vetëm trupë koordinuese, pra pa kompetenca ekzekutive” deklaroi Osmani raporton Gazeta Blic.
Sulmi i armatosur terrorist i datës 24 shtator mbi Policinë e Kosovës në Banjskë të Zveçanit solli edhe reagimin e ashpër të ndërkombëtarëve të cilën e dënuan aktin e rëndë.
/Gazeta Blic/
