Analisti politik, Gazmir Raci në një prononcim për GazetaBlic tha se vizita e Mirosllav Lajçakut në Washington duket të jetë vendimtare për sigurinë në veri të Kosovës.
Raci thotë se, Serbia po e dëshiron territorin e Kosovës por sipas tij nuk do t’ia arrijë qëllimit.
“Diplomacia duhet të jetë vendimtare në këto ditë të agresionit të hapur të Serbisë ndaj Kosovës në rastin e arrestimit të Policëve dhe deklaratave ultranacionaliste të Vuqiqit dje. Palët duhet t’i kthehen dialogut, por me një qëndrim të prerë ndërkombëtar se marrëveshja e fundit e Brukselit dhe aneksi i Ohrit duhet të zbatohen ashtu siç kanë rënë dakord të dyja vendet”, tha Raci.
“Kjo vizitë e Lajçakut duket se do të jetë vendimtarë në hapat që do të koordinohen mes SHBA-së dhe BE-së për të adresuar sfidat e fundit të sigurisë në veri të Kosovës. Serbia tani haptazi e ka në shënjestër territorin e Kosovës, pjesën veriore sepse i ka të gjitha bandat kriminale në atë pjesë, por sigurisht që nuk do të ketë sukses sepse Kosova nuk ka tokë për të falur askujt”, shtoi ai për GazetaBlic.
