Mike Maignan më në fund duket i gatshëm për rikthimin e tij në golin e Milanit kundër Atalantës pas pesë muajsh jashtë fushave.

Sipas Sky Sport Italia, Maignan më në fund është rikuperuar plotësisht nga ajo tendosje e përsëritur e këmbës dhe pritet të marrë dorezat nga Ciprian Tatarusanu për përballjen e javës së ardhshme me Atalantën, përcjell GazetaBlic Sport.

Maignan ishte lënduar me Francën më 22 shtator dhe nuk ka luajtur asnjë ndeshje që atëherë.

Ai nuk është i vetmi i rikthyer, pasi Bennacer gjithashtu është rikuperuar plotësisht nga një tendosje e bicepit të femurit që pësoi në janar, ndërsa Ibrahimovic ka qenë në stolin e Serisë A për dy ndeshjet e fundit, duke pritur paraqitjen e tij të parë që nga operacioni në gju në maj 2022.

/GazetaBlic Sport/