Kryetarja e Forumti të Gruas të Lidhjes Demokratike të Kosovës Jehona Lushaku-Sadriu, ka thënë se kryeministri i Kosovës Albin Kurti, brenda disa sekondash ka rënë në kundërshtim me fjalët e tij.

Lushaku-Sadriu tha në Info Magazine në Klan Kosova se Kurti gjatë seancës së sotme të Kuvendit të Kosovës ishte shumë kontrovers.

“Ka përshkruar se si kjo marrëveshje ka ardhur në pikën e një imponimi nga bashkësia ndërkombëtare, përderisa ka thënë se do ta pranojë se është një marrëveshje e mirë”, tha ajo në KlanKosova.

Kryeministri i Kosovës Albin Kurti, gjatë ditës së sotme ka raportuar para deputetëve rreth dialogut Kosovë-Serbi.

Po ashtu gjatë interpelancës është diskutuar edhe për planin franko-gjerman.