Jorge Mendes, agjenti i sulmuesit Ansu Fati, nga Barcelona, sipas lajmeve të publikuara këtë të martë nga e përditshmja sportive katalanase Sport, është duke dalë në treg, duke kërkuar një klub të ri për sulmuesin 20-vjeçar spanjoll, i cili ka përjetuar vështirësi për t’u imponuar në formacionin e Xavi Hernández, përballë konkurrencës së fortë në sulm, përkatësisht me transferimet, këtë sezon, të Raphinha (Leeds) dhe Robert Lewandowski (Bayern Munich).

Këtë sezon, Fati, një lojtar i mbrojtur me një klauzolë miliardë euro pas rinovimit të kontratës së tij në 2021, ka luajtur 31 ndeshje (1,129 minuta), vetëm nëntë prej të cilave si titullar, duke shënuar gjashtë gola dhe tre asistime.

Sipas gazetës spanjolle, anësori me prejardhje nga Guineja, i stërvitur në La Masia, akademia e talenteve, megjithatë mund të largohet nga Barcelona për një shumë prej rreth 100 milionë euro, me spekulime për mundësinë e kalimit tek Manchester United, që kërkon të përforcon sulmin.

/GazetaBlic Sport