Stefano Pioli këmbëngul se nuk nuk pendohet për vendimet e tij në humbjen e Derby della Madonnina ndaj Interit.

Kriza vazhdon, pavarësisht se trajneri tentoi disa ndryshime rrënjësore duke përfshirë një formacion 3-5-2 dhe la Rafael Leao në stol për ndeshjen e dytë radhazi, teksa mori një humbje 1-0 ndaj rivalëve të tyre, përcjell GazetaBlic Sport.

“Është e qartë, ne donim të kishim një qëndrim më solid në mbrojtje. Nuk u mbrojtëm keq”, tha Pioli për mediat italiane.

“Është e qartë se kohët e fundit ne nuk kishim qenë solid në mbrojtje, kështu që menduam se këto ishin pozicionet e duhura për të marrë kundër një ekipi si Interi. Nuk ishte ende qëllimi ynë vetëm të mbronim. Si trajner, kam një pamje të qartë të situatës. Jam i sigurt se nëse do të kishim luajtur futbollin tonë të zakonshëm, do të kishim luftuar edhe më shumë sonte. Ne kemi humbur diçka, ne ishim më solidë sot dhe mund të punojmë mbi këtë, por gjithashtu duhet të jemi më agresivë dhe sulmues”.

Pioli u pyet se çfarë duhet të bëjë Leao për të rikthyer vendin e tij në 11-shen fillestare.

“Leao ka potencial të jashtëzakonshëm, unë zgjodha të luaja me dy sulmues afër njëri-tjetrit për të shkaktuar probleme për mbrojtjen e Interit, edhe nëse kjo nuk ndodhi shumë. Leao duhet të punojë për të qenë më aktiv gjatë gjithë lojës. Nuk pendohem, sepse duke marrë parasysh gjithçka që pashë gjatë javës dhe në këtë ndeshje, pozicionet që doja të merrja dhe formën e skuadrës, kjo ishte zgjedhja e duhur.”

/GazetaBlic Sport