Peja me mjaft vështirësi shënoi fitore ndaj Rahovecit me shifrat 82:76 (25:24, 17:23, 19:14, 21:15), në xhiron e 21-të të Prince Caffe Superligës.

Te Peja më të mirët ishin Arti Hajdari me 30 pikë, pesë kërcime e katër asistime dhe Jalen Tate me 24 pikë, nëntë kërcime dhe gjashtë asistime, kurse te Rahoveci më i miri ishte Jack Pagenkopf me 29 pikë e shtatë kërcime.

Peja ka 14 fitore e shtatë humbje, ndërsa Rahoveci mbetet në vendin e fundit me dy fitore e 19 humbje.