Trajneri i Fiorentinës, Vincenzo Italiano, ka hequr dorë nga Sofyan Amrabat për ndeshjen e së mërkurës kundër Torinos në Kupën e Italisë.
Marokeni po kërkon t’i bashkohet Barcelonës në afatin kalimtar të janarit. Ai nuk u paraqit në stërvitje të martën në mëngjes dhe hodhi një aluzion transferimi në mediat sociale duke sugjeruar se dëshiron të largohet nga Stadio Franchi, transmeton GazetaBlic Sport.
Toskanët përballen me Torinon në çerekfinalen e Kupës së Italisë të mërkurën dhe Amrabat nuk është përfshirë në ekipin për t’u përballur nesër me Granata.
La Viola nuk dëshiron të shesë në janar, veçanërisht në kushtet e Barcelonës që ka bërë një ofertë huazimi me një opsion për të blerë.
Amrabat iu bashkua toskanëve me një marrëveshje të përhershme prej 20 milionë euro në 2020 dhe marrëveshja e tij aktuale në Stadio Franchi skadon në verën e vitit 2024, por klubi ka një opsion për të zgjatur qëndrimin e tij edhe për një sezon.
/GazetaBlic Sport/
