Stefano Pioli ishte i mërzitur me yjet e Milanit pas humbjes së tyre 1-0 kundër Torinos dhe eliminimit që rezultoi nga Coppa Italia.

Kampionët në fuqi të Serie A u eliminuan nga gara mbrëmjen e së mërkurës dhe Pioli ishte aq i zemëruar sa i ndëshkoi të gjithë lojtarët e tij pas ndeshjes duke mos i lejuar ata të ktheheshin në shtëpi, duke fjetur në Milanello, ku stërviteshin mëngjesin e së enjtes, përcjell GazetaBlic Sport.

Ai kishte ndërmarrë veprime të ngjashme pas humbjes 3-0 kundër PSV-së në fund të dhjetorit, duke anuluar një ditë pushimi dhe duke i detyruar lojtarët e tij të stërviteshin në Milanello në ndeshjen e fundit të vitit.

Sipas Gazzetta, Pioli ka mbetur i zhgënjyer nga shumica e lojtarëve të tij, por më konkretisht nga Theo Hernandez, Rafael Leao, Ismael Bennacer dhe Olivier Giroud.

Trajneri i ‘Rossonerëve’ raportohet se ishte i frustruar edhe në bisedën me secilin prej tyre.

/GazetaBlic Sport/