Ish-ylli i Real Madridit, Marcelo, ishte mes atyre që uruan yllin e Milanit Theo Hernandez pasi Franca arriti në finalen e Kupës së Botës: “Ti je shumë i mirë, biri im”.

Francezi hapi llogarinë në një fitore 2-0 ndaj Marokut të mërkurën, duke ndihmuar ekipin e tij kombëtar të arrijë në finalen e Kupës së Botës për herë të dytë radhazi, përcjell GazetaBlic Sport.

Të dielën, Theo do të luajë finalen e tij të parë të Kupës së Botës pasi nuk ishte pjesë e skuadrës së Francës në Rusi katër vjet më parë.

Disa nga shokët e tij të skuadrës në Milan, duke përfshirë Davide Calabria, Rafael Leao dhe Ismael Bennacer, e uruan atë në rrjetet sociale pas fitores së mbrëmshme ndaj Marokut, por fjalë lavdëruese erdhën edhe nga Marcelo, një ish-mbrojtës i Real Madridit, i cili më parë ka luajtur me Theo në ‘Bernabeu’.

“Ti je shumë i mirë, biri im”, tha Marcelo, duke komentuar postimin e fundit të Theos në Instagram.

/GazetaBlic Sport/