Ish mbrojtësi anglez Rio Ferdinand, si komentator ekspert televiziv për BBC-në, shprehet i kënaqur me lojën e Kanadasë pavarësisht humbjes nga Belgjika (1:0) në ndeshjen e parë në Kupën e Botës.

“Është e mrekullueshme t’i shikosh ata. Unë u ula dhe nuk mund të merrja frymë duke i parë. Është e tmerrshme që pas një ndeshje si kjo kundër një Belgjike të fortë ata humbën, por ata duhet të jenë të kënaqur me atë që treguan. Ata torturuan një ekip të madh belg dhe do të kishte qenë një lojë krejtësisht ndryshe nëse kanadezët në fillim të ndeshjes do të shënonin nga pika e bardhë, por unë e pashë atë në sytë e Alphonso Davies, ekzekutuesit të penalltisë. E shikova dhe e dija që nuk ishte do të shënoj. E thashë menjëherë”, tha Ferdinand.

Edhe pse Kanadaja humbi në mënyrë të pamerituar, për të cilën fajtori më i madh është gjyqtari zambian Janny Sikazwe, i cili nuk i dha dy penallti, Ferdinand nuk mendon se kjo do ta dekurajojë atë për të vazhduar Botërorin: “Të jeni të sigurt që motivimi nuk do të jetë problem për këtë ekip”.

Ndeshja e radhës e Kanadasë është të dielën kundër Kroacisë.

/GazetaBlic Sport