Anglia fitoi me rezultat të thellë 6-2 në ndeshjen e parë të Kaapionatit Botëror, por trajneri Gareth Southgate theksoi se ata ende duhet të përmirësohen nëse duan të kenë një turne të suksesshëm në Katar.

“Tre Luanët” krijuan një avantazh të merituar me katër gola brenda 65 minutave të parë, ndërsa e mbyllën sfidën edhe me dy gola të tjerë në fund të ndeshjes të realizuara nga Rashford dhe Grealish.

“Jam pak i lumtur me ecurinë e ndeshjes. Për të fituar me atë diferencë, për të luajtur siç bëmë në pjesën më të madhe të lojës, duhet të jemi vërtet të lumtur – kjo është mënyra se si lojtarët janë përgatitur, ata dukeshin gati dhe e trajtuan lojën shumë mirë.”, tha fillimisht Southgate.

“Ishte një pjesë e parë e vështirë, shumë ndërprerje, por ne e kaluam mirë situatën, presioni ynë ishte vërtet i mirë dhe lëvizja jonë ishte shumë e mirë, kështu që unë duhet të jem i lumtur, por nuk duhet të pranojmë dy gola në atë fazë të lojës. Ne do të duhet të bëjmë më mirë në lojën tonë kundër SHBA-së.. Është një fillim i mrekullueshëm, por ne do të duhet të jemi më të mirë.”, tha në fund trajneri i Anglisë.