Vetëm 24 orë na ndajnë nga fillimi i Kampionatit Botëror.

Figura të njohura të futbollit si dhe disa lojtarët që do marrin pjesë kanë bërë disa parashikime për kombëtaret favorite, shkruan GazetaBlic Sport.

Lojtari i Newcastle United, Bruno Guimaraes i cili përfaqëson Brazilin është shprehur se kombëtarja e tij shihet gjithnjë si favorite, por lojtarët nuk duhet t’i çasen ndeshjeve në atë mënyrë.

“Ne kemi një ekip të mirë dhe po luajmë mirë. Ne jemi Brazili, kemi pesë Botërorë, më shumë se të gjitha të tjerat, kështu që jemi gjithmonë ndër favoritët. Por ne nuk mund ta lëmë që ky fakt të na humb fokusin në fushë sepse atje do të luajmë njëmbëdhjetë kundër njëmbëdhjetë dhe nëse nuk bëjmë mirë do të humbasim, kjo është e sigurt”, tha ai për L’Equipe.

Ndeshja hapëse e Botërorit do jetë ajo mes Katarit dhe Ekuadorit që zhvillohet nesër nga ora 17:00.

/GazetaBlic Sport/