Veterani i Milanit, Olivier Giroud, nënvizoi emocionet e tij për Botërorin e ardhshëm në Katar dhe ambiciet e tij me Francën për turneun.

Sulmuesi francez 36-vjeçar e ka dëshmuar veten një pjesë të paçmuar të skuadrës së Stefano Piolit në kryeqytetin e Lombardisë këtë sezon, duke shënuar nëntë gola dhe duke dhënë pesë asistime në 19 ndeshje në Serie A dhe Champions League, përcjell GazetaBlic Sport.

Ai pothuajse nuk ishte paraqitur për Francën që nga Euro 2020 vitin e kaluar dhe nganjëherë dukej në rrezik për të humbur Kupën e Botës.

Duke folur për France TV Sport, Giroud fillimisht diskutoi mentalitetin e tij për të shkuar në Kupën e Botës në Katar.

“Po vij në këtë takim me disponimin e një lojtari që me siguri do të luajë për herë të fundit në këtë kompeticion ndërkombëtar. Jam shumë i motivuar, sikur të ishte hera ime e parë. Unë dua të shijoj çdo moment. Dhe, sigurisht, ne jemi të etur për të mbrojtur titullin tonë”, tha ai.

/GazetaBlic Sport/