Emisioni “Blic InterView me Astrit Gashin”, prodhim i portalit Gazeta Blic nga sonte nis transmetimin në televizionin Dukagjini nga ora 21:00.

I ftuar i parë për këtë emision është shefi i Grupit Parlamentar të LDK-së, Arben Gashi.

Marrëveshja finale mes Kosovës dhe Serbinë është kryetemë e kësaj interviste, por nuk mungojnë as deklarimet për rolin e LDK-së dhe të ardhmën e qeverisë së drejtuar nga Kryeministri Albin Kurti.

Si do të jetë marrëveshja finale sipas Arben Gashit?

A rrezikon vendi të shkojë në zgjedhje të parakohshme?

Çka nënkupton “pranvera e hershme” ose “vjeshta e vonuar”, për të cilën flet ai?

A do ta votonte LDK-ja një mocion mosbesimi ndaj Qeverisë Kurti në Kuvend?

Pse LDK refuzon të pranojë deputetë nga Lëvizja Vetëvendosje?

Çka thotë ai për deklaratën e zëvendëskryeministrit Besnik Bislimi, se opozita nuk po i le kompanitë private të konkurojnë për tenderë?

Kush ka faj për krizën me energjinë?

Për këto dhe shumë çështje tjera, ju ftojmë ta ndiqni intervistën me shefin e Grupit Parlamentar të LDK-së, Arben Gashi në “Blic InterView me Astrit Gashin”, sonte nga ora 21:00 në televizionin Dukagjini.