Krerët e SBASHK-ut, në krye me Rrahman Jasharajn, kanë shkuar tashmë pranë Qeverisë së Kosovës, për takimin e paralajmëruar të drejtoreshës së përgjithshme të Unionit të Sindikatave të Arsimit në Europë, Susan Flock.

Me kërkesë të kësaj të fundit, të gjithë pritet të mbajnë një takim me kryeministrin Albin Kurtin.

Kujtojmë që SBASHK-u ka hyrë në grevë që nga 25 gushti, derisa mësimi është duke u mbajtur në një numër të vogël të shkollave.