Në ngjarje dyshohet se kane qenë minimalisht tre autorë, një në drejtimin e mjetit dhe dy që kanë qëlluar.

Sipas gazetares Dorjana Bezat, viktima Klisman Preçi dhe i plagosuri Ylli Brahimi janë qëlluar sapo kanë zbritur nga makina e blinduar.
Të dy objektivat e sulmit jetonin në pallat, në sheshpushimin e të cilit ndodhi atentati.

Duke qenë se i kishin shpëtuar të atentateve më parë, ata kishin shtuar masat e sigurisë. Lëviznin me makina të blinduara dhe në pallatin ku jetonin kishin instaluar kamera sigurie në çdo cep.

Pamjet e kamerave janë sekuestruar nga policia dhe po vëzhgohen me qëllim identifikimin e autorëve.

Deri më tani janë shoqëruar rreth 30 persona kryesisht me precedentë në zonë por edhe persona që mund të kenë dijeni për ngjarjen.