Një person është arrestuar sot në Viti, për shkak të posedimit të paautorizuar të armëve, raporton Gazeta Blic.

Policia njofton se në shtëpinë e shtetasit kosovar I.D (1989), policia ka gjetur dhe konfiskuar armën AK-47, prodhimi YU me një karikator dhe një palë dylbi.

Ai është liruar në procedurë të rregullt, derisa me rastin po merret Prokuroria Themelore në Gjilan.

Njoftimi i plotë:

Mbajtja në pronësi, kontroll ose posedim i paautorizuar të armëve

Viti, 20 Korrik 2022

Drejtoria Rajonale Gjilan, Stacioni Policor Viti pas marrjes se informatave përmes rrugëve operacionale se personi i dyshuar shtetas kosovar, shqiptar I.D. (1989) posedon armë zjarri, Njësia e Hetimeve të Stacionit Policor në Viti të njëjtin e ka arrestuar dhe shoqëruar në Stacionin Policor.

Gjate intervistimit në prani të avokatit mbrojtës janë siguruar prova të mjaftueshme se i njëjti posedon një armë zjarri.

Njësia e Hetimeve kanë shkuar tek shtëpia e tij ku në një objekt përcjellës të shtëpisë kanë gjetur dhe konfiskuar armën AK-47, prodhimi YU me një karikator dhe një palë dylbi. Arma është konfiskuar në cilësi të provave materiale për Gjykatë.

Në lidhje me rastin është njoftuar Prokurori i Shtetit i cili ka urdhëruar që i dyshuari të lirohet në procedure të rregullt, ndërsa rasti do të procedohet së bashku me provat në Prokurorinë Themelore në Gjilan.