Presidenti kroat Zoran Milanoviq pyeti në samitin e NATO-s në Madrid se pse “Ukraina dhe Moldavia mund të marrin statusin e kandidatëve për anëtarësim në BE, ndërsa Bosnja dhe Hercegovina, për të cilën tha se është Zvicër për ato vende, nuk mundet”.

“Ukraina dhe Moldavia mund të marrin statusin e kandidatit për anëtarësim në BE, por Bosnja dhe Hercegovina, që është Zvicër për ato vende, nuk mundet. Pse është kështu? Mua më intereson se sa njerëz në Evropë do ta kuptojnë se kërkesa e Kroacisë është e justifikuar. Të gjithë serbët në Bosnjë dhe Hercegovinë, si dhe kroatët, kërkuan statusin e kandidatit për në BE. A do të thotë kjo se ata janë secesionistë?” pyeti Milanoviq.

Milanoviq foli për këtë edhe në akademinë ceremoniale me rastin e Ditës së Odës Kroate të Artizanatit, ku zejtarëve më meritorë iu dorëzuan çmimet më të larta të HOK-ut, Dora e Artë, shkruan N1.

“Kroacia nuk ka një pozicion unik, unë nuk mund të bëja asgjë në Madrid. Aty nuk u votua, siç thonë ata që gënjejnë. Do të votohet javën e ardhshme”, thotë presidenti i Kroacisë, duke shpjeguar se shefat e misioneve do të votojë javën e ardhshme.