Një person ka vdekur në fshatin Peran të Podujevës pasi është gjuajtur me armë zjarri.
Pas ngjarjes tragjike ka reaguar edhe kryetari i Podujevës, Shpejtim Bulliqi.
Ai në një shkrim në Facebook është shprehur i tronditur me vdekjen e të riut.
Gjithashtu Bulliqi ka shprehur ngushëllime për familjen dhe miqtë.
“Rasti i vrasjes në Peran të Podujevës na ka tronditur të gjithëve. Duke u lutur që të jetë i fundit ky rast i vrasjes, ngushëllime familjes dhe miqve!”, ka shkruar Bulliqi.
Lajmin e ka konfirmuar zëdhënësi i Policisë për Rajonin e Prishtinës, Agron Borovci, i cili tha se i njëjti ka ndërruar jetë si pasojë e të shtënave me armë zjarri.
