Presidentja e Kosovës, Vjosa Osmani, gjatë qëndrimit në Selanik të Greqisë ku po mbahet Samiti i Procesit të Bashkëpunimit të Evropës Juglindore (SEECP) ka marrë pjesë në darkën e përbashkët me liderët e shteteve të Evropës Juglindore.
Në darkën e përbashkët mori pjesë edhe kancelari gjerman Olaf Scholz, i cili është ulur në tavolinë pranë presidentes Osmani.
Presidentja Osmani përmes një postimi në Twitter, ka thënë se ndjehet e kënaqur që ka takuar kancelarin gjerman, të cilin e ka falënderuar për angazhimin personal ndaj rajonit të Ballkanit.
“Kosova është e bekuar me mbështetjen nga Kancelari Scholz dhe miqësinë me Republikën Federale të Gjermanisë.
Jam e kënaqur që e takova në Selanik në Samitin SEECP ku e falënderova kancelarin për angazhimin e tij personal ndaj rajonit tonë”, ka shkruar Osmani.
Kosovo is blessed with the support of Chancellor Scholz @Bundeskanzler and the friendship of the Federal Republic of Germany.
Pleased to meet in Thessaloniki at SEECP where I thanked the Chancellor for his personal commitment to our region.
????? pic.twitter.com/hk6mGyDkLK
— Vjosa Osmani (@VjosaOsmaniPRKS) June 10, 2022
