Kryeministri Albin Kurti sot ka pritur në takim ambasadorin e Australisë të akredituar për Kosovë, Andrea Carlo Biggi, me të cilin kanë diskutuar për tema të fushave të ndryshme.
Për këtë takim ka njoftuar ambasadori në Twitter, i cili tha se ka falënderuar Kurtin për urimin që ia ka bërë kryeministrit të ri australian Anthony Albanese.
“Kënaqësi ta takoja kryeministrin e Kosovës, Albin Kurti. Faleminderit për urimet tuaja për për qeverinë e re australiane të kryeministrit Anthony Albanese dhe diskutimin për progresin ekonomik të Kosovës, mbështetjen e Australisë për sovranitetin e Kosovës, mbështetjen tonë të përbashkët për demokracinë dhe rendin global të bazuar në rregulla – përfshirë kundër agresionit”.
Andrea Carlo Biggi është udhëheqës i misionit diplomatik të Australisë në Kroaci dhe është i akredituar për Kosovë.
A pleasure to meet #Kosovo PM @albinkurti
? for your congratulations to #Australia new government of PM @AlboMP & discussion on ?? economic progress, ?? support for ?? sovereignty, our shared support for democracy & the global rules-based order – including against aggression. pic.twitter.com/cj2kegJqiQ
— Andrea Carlo Biggi (@AusAmbCroatia) June 2, 2022
