Gazetari Vehbi Kajtazi ka deklaruar se qeveria e udhëhequr nga Albin Kurti po e dëshmon se është e korruptuar.

Ai ka përmendur tre raste që qeveria ka qenë e përfshirë në afera korruptive, rasti i aferës së KEK-ut, skandali i ministrit Libur Aliu dhe afera e publikuar gjatë ditës së sotme të Florent Ramqajm këshilltar i ministrit Liburn Aliu.

“Nuk ka asnjë dilemë më që qeveria Kurti është e korruptuar. Janë tre raste ku dëshmohet, e para është afera në KEK dhe kjo u konfirmu për anulimin e konkursit dhe rivlerësimin. Rasti i dytë është ambasadori Berishaj, nuk po them që qeveria Kurti është pjesëmarrëse në pastrimin e parave por me mbrojtjen që ja ofroi qeveria dhe presidentja për mua është konfirmim që janë të korruptuar”, ka thënë gazetari Kajtazi.

Kajtazi tutje ka thënë se kur është në gjendje Florent Ramqaj të marrë 30 mijë euro, të tjetër bëjnë shumë më shumë.

“Kjo e sotmja është e dokumentume me zë dhe figurë, nëse një këshilltari i vjen puna me i marrë 30 mijë euro llogarit çka bëjnë këta tjerët”, ka thënë ai.