Përfaqësuesit e Juventusit pritet të takohen nesër në Londër me agjentin e Angel Di Marias.

Gazeta La Gazzetta dello Sport dhe Romeo Agresti raportojnë se agjenti i anësorit do të takohet me drejtuesit e Zonjës së Vjetër në Londër nesër, kur Italia dhe Argjentina të përballen me njëra-tjetrën në stadiumin “Wembley” në Finalissima, përcjell GazetaBlic Sport.

Di Maria është në dispozicion si agjent i lirë pas përfundimit të kontratës së tij me PSG dhe Juventusi ka përgatitur një ofertë prej 7 milionë euro në vit.

Argjentinasi është i bindur për t’u bashkuar me Juventusin, por detajet financiare të marrëveshjes do të jenë vendimtare duke qenë se Juventusi nuk mund të përdorë Dekretin e Rritjes për të marrë një ulje prej 50% në pagën bruto të lojtarit. Gjatë takimit do të diskutohet edhe kohëzgjatja e kontratës, e cila sipas Gazzetta-s mund të jetë vendimtare.

Di Maria dëshiron të luajë të paktën edhe një vit në Evropë dhe më pas të përfundojë karrierën e tij si lojtar në Argjentinë, kështu që Juventus po përpiqet të shohë pamjen e plotë dhe të kuptojë motivet e tij përpara se të nënshkruajë me 34-vjeçarin.

/GazetaBlic Sport/