U raportua se 46 civilë u evakuuan dje nga zonat e banuara përreth fabrikës së çelikut Azovstal, pjesa e fundit e qytetit të Mariupolit të kontrolluar nga forcat ukrainase.

Ministria ruse tha se ata ishin dërguar në fshatin Bezimenne, në lindje të Mariupol në rajonin e Donetskut, raporton BBC, përcjell Gazeta Blic.

Ushtarët ukrainas kanë thënë deri më tani vetëm se 20 persona janë larguar nga fabrika e çelikut.

Tani Reuters po raporton se një grup prej rreth 40 personash, të cilët kanë ardhur nga zona afër Azovstal, kanë mbërritur në një qendër strehimi të përkohshëm në Bezimenne.

Imazhet nga agjencia e lajmeve tregojnë një grup që përfshin burra, gra dhe një fëmijë që mbërrijnë me autobus./Gazeta Blic/