Maurizio Sarri u befasua nga nënshkrimi i Jovane Cabral dhe është i zhgënjyer nga aktiviteti transferues i Lazios në janar, ndaj, sipas Il Messaggero, ai i ka dhënë një ultimatum Claudio Lotitos.
Cabral ishte e vetmja fytyrë e re e sjellë nga Igli Tare në Stadio Olimpico gjatë afatit kalimtar të janarit, përcjell GazetaBlic Sport.
Sipas Rai Sport, Sarri dhe stafi i tij nuk e kishin idenë se kush ishte ai dhe nxituan të shikonin disa nga videot e tij ndërsa Tare po finalizonte marrëveshjen.
Raporte të shumta thonë se Sarri është i zemëruar me klubin dhe pret që ata të ndryshojnë procesin e tyre të vendimit për transferime.
Sipas gazetës Il Messaggero, Sarri madje i ka thënë Claudio Lotitos se ai do të qëndrojë në klub vetëm nëse Tare largohet.
/GazetaBlic Sport/
