Ish-presidenti i Palermos dhe Venezias, Maurizio Zamparini, ka vdekur në moshën 80-vjeçare.

Sipas La Gazzetta dello Sport, Zamparini u shtrua në spital në fillim të javës së kaluar për shkak të peritonitit. Ai vdiq në spitalin Cotignola të Ravenna mbrëmë, përcjell GazetaBlic Sport.

Zamparini ishte një figurë e rëndësishme në futbollin italian nga fundi i viteve ’90 dhe fillimi i shekullit të ri.

Klubi i Serie C2 Pordenone ishte klubi i parë profesionist që ai drejtoi si president nga viti 1986. Më pas ai bleu Venezia-n e cila arriti të fitonte promovimin në Serie A në një dekadë. Por ishte në Palermo ku Zamparini arriti kulmin.

Ai e bleu klubin në vitin 2002 nga Franco Sensi dhe disa nga lojtarët më të mirë në Evropë kishin veshur fanellën e Rosanero gjatë mandatit të tij.

Të tillë si Andrea Barzagli, Luca Toni, Paulo Dybala, Franco Vazquez dhe Edinson Cavani luajtën në Siçili gjatë kohës së Zamparinit në klub. Madje Palermo arriti të kualifikohej në Evropë për tre vite radhazi.

Zamparini ishte i famshëm për temperamentin e tij dhe vendimet e papritura, veçanërisht në lidhje me shkarkimin e trajnerëve.

Ai qëndroi në krye të klubit për 15 vjet, nga korriku 2002 deri në shkurt 2019.

/GazetaBlic Sport/