Një helikopter është parë mëngjesin e sotëm duke ateruar në Qendrën Klinike Universitare (QKU), në Prishtinë, raporton Gazeta Blic.

Ky helikopter është pjesë e KFOR-it dhe aterimi i tij është për shkak të ushtrimeve fushore që KFOR-i është duke i bërë në Kosovë.

Kështu e ka konfirmuar për Gazeta Blic, zëdhënësja e QKUK-së, Mirlinda Qyqalla.

“Aderimi i këtij helikopteri është bërë për shkak të trajnimeve në raste emergjente që është duke i bërë KFOR-i”, ka thënë për Gazeta Blic, zëdhënësja Qyqalla.