Kryetari i Prishtinës, Përparim Rama, ka rezultuar pozitiv me COVID-19.

Rama ka shkruar në Facebook se është njoftuar sot nga IKSHPK.

“Të dashur qytetarë, Sapo jam njoftuar nga IKSHPK se kam rezultuar pozitiv me COVID-19. Jam izoluar menjëherë sapo kam kuptuar që kam patur kontakt me persona të cilët kanë rezultuar pozitivë, dhe kam anulluar të gjitha takimet e parashikuara në zyrën e Komunës. Për momentin, nuk kam asnjë simptomë dhe po e vazhdoj punën prej shtëpisë, duke u koordinuar me ekipin tim në mënyrë që proceset e punës të vazhdojnë normalisht gjatë ditëve të ardhshme”, ka shkruar Rama.

Ndryshe, pozitiv me virus ka rezultuar edhe ish- kandidati i PDK-së për kryetar të Prishtinës, Uran Ismajli.

Ditë më parë Rama e Ismajli ishin takuar, ku edhe u arritë marrëveshja për bashkëqeverisje në Prishtinë.

Gazeta Blic ka raportuar se pikërisht për këtë arsye edhe nuk janë kompletuar emrat e drejtorëve.