Lorenzo Insigne ka rënë dakord për kushtet personale me skuadrën e MLS Toronto dhe ai është gati të vendosë nënshkrimin në letër.

Sulmuesi 30-vjeçar italian nuk do të rinovojë kontratën e tij me Napolin pas një ndërprerjeje në bisedimet mes tij dhe presidentit të klubit Aurelio De Laurentiis dhe tani ai po përgatitet të nënshkruajë një marrëveshje pesëvjeçare me klubin kanadez, përcjell GazetaBlic Sport.

Siç raportohet nga Corriere dello Sport, Insigne ka rënë dakord të nënshkruajë një kontratë pesëvjeçare me Toronton me vlerë 15.5 milionë euro bruto në sezon.

Sezoni i MLS-së fillon në mars dhe kështu Insigne do të jetë i gatshëm të fillojë jetën e tij të re në Kanada.

/GazetaBlic Sport/