Manchester City arriti fitoren e 10-të radhazi në ligë të mërkurën mbrëma pas fitores minimale në udhëtim ndaj Brentford.

Goli i Phil Foden në pjesën e parë ishte i mjaftueshëm që City të siguronte një fitore 1-0 në Brentford dhe të përforconte vendin e parë pas rrëshqitjeve nga Liverpool dhe Chelsea.

Pas ndeshjes, Guardiola vlerësoi yllin anglez, Foden, duke shtuar se ai nuk ka më çfarë për të provuar.

“Phil ka qenë gjithmonë i jashtëzakonshëm. Ai është një djalë që mund të luajë në pozicione të ndryshme në një nivel të jashtëzakonshëm.

“Ne nuk kishim dyshime për këtë. A kishte ai ndonjë gjë për të provuar? Absolutisht jo”, është shprehur Guardiola.

/GazetaBlic Sport/