Sipas raportimeve në Itali, Juventusi do t’i kërkojë Paulo Dybala të ndryshojë kushtet e marrëveshjes së arritur disa javë më parë, në mënyrë që lojtari të vendosë të largohet nga klubi si agjent i lirë në fund të sezonit.

Kontrata e Dybala në “Allianz Stadium” skadon në qershor 2022, përcjell GazetaBlic Sport.

Sulmuesi dhe Juventusi kishin shtrënguar duart për një marrëveshje 10 milionë euro në vit deri në vitin 2026. Argjentinasi do të kishte fituar 8 milionë euro plus 2 milionë euro shtesa.

Agjenti i lojtarit, Jorge Antunu kishte udhëtuar disa herë në Torino, por nuk arriti të vinte në letër një marrëveshje të re.

Tani, sipas La Gazzetta dello Sport, ka një problem të ri. Juventusi është i vendosur të ndryshojë kushtet e marrëveshjes me lojtarin, kryesisht për shkak të problemeve të tij fizike.

La Gazzetta dello Sport raporton se Juventusi do t’i kërkojë Dybalës të ulë pjesën fikse të pagës dhe të rrisë bonuset.

Si Gazzetta ashtu edhe Corriere dello Sport raportojnë se, në çdo rast, 28-vjeçari nuk do të nënshkruajë një marrëveshje të re përpara shkurtit.

Prandaj, sulmuesi do të jetë i lirë të flasë me klubet e tjera duke filluar nga fillimi i janarit përpara një transferimi të mundshëm të lirë në fund të sezonit.

/GazetaBlic Sport/