Kapiteni i Lazios, Ciro Immobile, i bëri një vizitë të veçantë një portieri të ri, i cili është në pritje të transplantit të palcës së eshtrave.

I riu, i quajtur Giulio, luan në portë për skuadrën U-16 ASD Città di Cerveteri dhe është një mbështetës i madh i Lazios, përcjell GazetaBlic Sport.

Ai ka një sëmundje të rrallë auto-imune dhe ka qenë në spitalin Bambino Gesù në Romë për gjashtë javë në pritje për një transplant të palcës kockore.

Kur Immobile e kuptoi se Giulio ishte një tifoz i Lazios, ai shkoi për të vizituar lojtarin e ri.

Lazio po ndihmon gjithashtu në organizimin e kërkimit për një donator të përshtatshëm, i cili duhet të jetë i moshës nga 18 deri në 36 vjeç.

Aplazia e palcës së eshtrave ose anemia aplastike është një sëmundje që shkakton zhdukjen e palcës së eshtrave të kuqe dhe ndalimin e krijimit të qelizave të kuqe të gjakut, qelizave të bardha dhe trombociteve.

Jeta e trajnerit të Bolognas, Sinisa Mihajlovic, u shpëtua nga një transplant i palcës kockore dy vjet më parë, kur ai u diagnostikua me leuçemi akute.

/GazetaBlic Sport/