Ndeshja e Manchester United kundër Brentford në Premier League e planifikuar të luhet sot, është shtyrë.

Skuadra e parë e United ka pasur një sërë testesh pozitive për Covid gjatë 24 orëve të fundit, të cilat çuan në vënien në dyshim të ndeshjes, përcjell GazetaBlic Sport.

Aktivitetet e ekipit të parë në kompleksin stërvitor të klubit Carrington janë mbyllur për 24 orë pasi klubi njoftoi për rastet të dielën.

Manchester Evening News kupton se United kishte kërkuar që ndeshja të shtyhej dhe më herët të hënën, lojtarët dhe stafi prisnin që ndeshja të anulohej.

Ekipi pritej të udhëtonte në Brentford të martën në mëngjes, nëse ndeshja do të zhvillohej.

Por klubi që atëherë ka lëshuar një deklaratë që konfirmon shtyrjen e ndeshjes, duke thënë: “Manchester United mund të konfirmojë se ndeshja jonë në Premier League në Brentford FC, të martën më 14 dhjetor në orën 20:30, është shtyrë dhe do të riplanifikohet në kohën e duhur.

Premier League është në gjendje alarmante në lidhje me rastet e mëdha me koronavirus, një gjë që rrezikon edhe pezullimin e sezonit.

/GazetaBlic Sport/