Qentë endacakë i kanë shkaktuar humbje të mëdha Burim Havollit nga fshati Llapashticë e Epërme të Podujevës, shkruan Llapi.info.

Havolli ka thënë për Llapi.info, ku edhe ka dërguar pamje, se qentë ia kanë “masakruar” rreth 100 shpezë.

“Qentë endacakë më kanë bërë një dëm të madh në fshatin Llapashticë të Epërme. M’i kanë mbyt rreth 100 shpezë. Me shpezëtari merrem që 15 vite. Rasti ka ndodhur të dielën”, është shprehur Havolli.

Havolli ka dërguar pamje në Llapi.info, ku shihet sulmi i qenve në këto shpezë.