Pavarësisht se tashmë ka siguruar një biletë për në fazën eliminatore të Ligës së Kampionëve, Bayern Munich do të shkojë për fitore ndaj Barçës për të përfunduar një fazë të përsosur të grupeve.

Kështu ka dashur ta bëjë të qartë trajneri Julian Nagelsmann në konferencën për shtyp para duelit ndaj katalanasve, ku theksoi se ardhja e Xavi Hernandez në pankinë i ka dhënë një shtysë të re skuadrës së Barcelonës, përcjell GazetaBlic Sport.

“Xavi dhe skuadra e tij nuk kanë bërë shumë seanca stërvitore së bashku, por kam parë dallime. Me Xavi ata mbrojnë në një mënyrë më të lartë. Presioni pas humbjes së topit është gjithashtu i ndryshëm, shumë i guximshëm, shumë i lartë, si në kohën e Pep. Ata ju japin hapësirë, por ju e keni të vështirë të dilni nga ai presion. Do të shohim se si mund ta sulmojmë presionin e tyre, “tha Nagelsmann.

“Ata kanë një ekip fantastik, me shumë cilësi. Është një grup shumë i ri dhe ata kanë presionin për të fituar nesër. Kjo është pozitive për lojën, por për ne nuk është e rëndësishme të lëmë Barçën jashtë Champions League. Ajo që duam është të luajmë një lojë të mirë”, shtoi Nagelsmann.

“Ne jemi tashmë të kualifikuar dhe nuk kemi presion. Do të jetë e çuditshme të luash pa tifozë. Do të jetë një lojë e rëndësishme për lojtarët e tjerë, por ne duhet të vazhdojmë në një nivel të lartë. Liga e Kampionëve është gjithmonë tërheqëse”, përfundoi Nagelsmann.

/GazetaBlic Sport